Ms. Ricci 1080-1/1
| ←torna a l'endexo | Ms. Ricci 1080, sec. XVIII Bellissima Cingaresca da recitarsi alli Monasteri di Monache |
Instromento dottale da Villano→ |
alli Monasteri di Monache
1
Signoe, Reveende
s'havei cuoè de rie
vegnì un poco chie
steme ascotà
2
Che son chi à posta intrà
pre dave un pò de gusto
che non è sempre giusto
stà in zenoggie
3
Se tutto Ziena boggie
de xanni, e de matuì
vorreì fà sole vuì
santifissetti
4
L[']e tempo de corsetti
de sta alegramenti
e lascià i pensamenti
pre un tantin
5
Che tanti Matutin
hora Vespri, e Concette
Rosaij, e Coronette
e disciplinne
6
Zuoè muoè dei iesse pinne
de este cose abastanza
Lascemo questa usanza
Che l[']è odiosa
7
A vita Religiosa
a l[']e santa, e l[']e bonna
ma l[']e pe unna Carlonna
chi s'amassa
8
A l[']e troppo da passa
serasse chi in prexion
senza asonseghe ancon
sta penitenza
9
Perdei a patienza
che o troppo stà pe invese
oreiva sempre cuese
e tegnì in fren
10
Gh[']è tempo à fà do ben
auoa l[']è de Carlevà
L[']e rasion de scialà,
un poco ciuue
11
Osciù seseive zue
chinnè, che l'indovinne
o dighe e s'avesinne
un poco miegio
12
Che son figgia do vieggio
astrologo di Rei
o quà pre fà Lunai
l'è a manna.
13
A Lunna non l'inganna
ch'o sà tutti desteisi
quanti giorni han i mes meisi
e suè feste.
14
E serto che inte queste
cose o n'hà muè falio
pre atro me ne rio
s[']o fà erò
15
Che me croù, che o sò
ghe sè un tantin traverso
pre che o fa sempre à o reverso
do sò dito
16
O m'ha caccioù sciù fito
in testa, e in ta memoia
tutta quanta l'histoia
d'Astrologà
17
Chi me vuoè regalà
mi ghe dirò de cose
e que miracorose
ghe paran
18
De vin ghe saveran
che d'egua savei non puè
pre che l'è un'anno ancuoè
che non 'n'assazo
19
Vegnimo à da un sazzo
mi veggo ceramente
in ciera chi me sente
o sò humò
20
Conoscio à o corò
à vostra compresion
e ra congiontion
d'ogni Pianetto
21
Mi veggo ciero, e netto
Da lonsi mille miggie
che vui sei tutte figgie
de bon Poere
22
Mi ve conoscio à l'ere
che sei tutte Fantinne
ma gh[']e de servelinne
ciù de quattro
23
Che pigereivan patto
uscine solo un giorno
pre dighe: non ghe torno
così presto
24
Mi veggo pe o resto
in ciera che quarcunna
oreiva iesse sasunna
de esta cosa
25
Pre iesse vergognosa
non incalaseo dì
lascioù s'han cacià chì
matescamente
26
Quarch'atra realmente
a non vosse mario
ma puoè do repentio
a n'ha mangioù.
27
Chi à l'haverè piggioù
non ghe o vosan dà
e chi convegne intrà
con sò desvuoeggio
28
Non vase à dì: non vuoeggio
pre che o Poere de botto
o ghe a misse à scotto
pre alecara
29
Con tanti: Cara Cara
caresse, e fintioin
chì convegne infin
restà serè
30
Sareiva caritè
seraghe in questi ferri
quelli barbari Poeri
Genituì
31
Che con tanti doruì
Nemisi da Natura
vive dan seportura
à suè figgie
32
Per cose gh[']è e ligie
Se e vueran amassà
o buetto à deligià
che non ghe dan
33
O' che cattivo Pan
pre chi gh[']e mà invio
Un pittin de Mario
In santa Paxe
34
Ma l'è miegio che taxe
che ve l'han feta dura
e in questa seportura
ghe stè fresche
35
Ciù tosto iesse fantesche
pre che guagnoù che s'han
un piesso de Pan
ò quattro strasse
36
Un busto con re gasse
Un pò de Cadenigia
Con fà a vita stigia
se tran fuera
37
Se fan a Parisuera
o collo incaneloù
o pieto desoloù[sic]
e li te vuoeggio
38
Alargan tanto d'oeggio
se pre caso un Garson
ghe dà un spelisigon
ò re sauua
39
Che deta, e rebatua
non gh[']e muoè pre mancà
un Corso, ò un Caporà
chi se a pigia
40
Che spesso l'è unna Ligia
Che in quattro dì o ghe zuega
tutto cose a s'alluega
intra cassetta
41
Puoè con pan de sassetta
con berodi, e meizanne
atre cose mà sanne
carne pesta
42
Ben regalà a Festa
se cangian à o Carlevà
e si ghe fan passà
o sò Morbin
43
Son ruese, e giasemin
e donne mariè
e cose e dre atre assè
che van pigiando
44
Ve digo à non burlando
che l[']e un vivo inferno
da staghe in sempiterno
o Mario
45
E vuì puoeì laudà Dio
che seì fuera d'esti intrighi
con vuì questi perighi
non ghe son
46
A santa proffession
l[']è fuera de queste cose
Misere, e noiose
de questo Mondo
47
Seì fuera pre secondo
do mà, da giosia
pre terzo n'hei zà puia
morì de parto
48
Azonseighe pre quarto
che seì in luoego seguro
ne muè sareì à o scuro
se saeì devote
49
Vostre conscenze nette
infin de pochi stenti
sarei con gran contenti
consorè
50
Da puescia gh[']ei e grè
che son un gran Tesoro
e con o Parlatoio
conforteve
51
Tegnive quarche rango preve
chi sè de quelli allegri
con quà i giorni intreghi
passerei
52
Ò sciù se vorei
pre iesse un pò Gorosa
regaleme de quarcosa
che non burlo
53
Meteime chi intro curlo
quarcun de vostri petti
vueme i paneretti
e feme rie.
54
De vostre cortesie
gratie non sò ciù belle
muoè rendeve de quelle
che m'heì feto.