Ms. Molfino 421/LXXXI

Da Wikivivàgna
Ms. Molfino 421
Rimme
de Anonnimo Zeneize, a cua de Nichiozo Lagomao
LXXXI - De quibusdam gravibus peccatis
Transcriçion e notte do Nichiozo Lagomao, pubricæ inte l'Arch. Glott. Italian II, 1876
[p. 52r modifica]
De quibusdam gravibus peccatis

De quante guise son peccae
si grevementi abuminae,
chi fan de terra crior in cel[1]
4per acusar lo peccaor?
lo prime e l omecio,
chi demanda[2] esser punio
e palezar lo so peccao,
8chi no e da star privao.
de sodimita e lo segondo,
chi e sozo, e de tar pondo
che chi comete tar peccao
12degno e alo de eser cremao.
l aotro e de povero e d orfagnoi,
li quai De ten tanto per soi;
se alcun danno tu gi fessi,
16De grevementi ofenderesi.
lo quarto e de no strepar
ni retener ni tardiar
alcun[3] to lavoraor
20lo guierdon de lo so lavor:
che, se tu poi, paga a man,
no benstentar[4] a l endeman;
che monti chi abesogna
24no demandan per vergogna.
doncha se guardam[5] tai e quai
de no cair in tal peccai;
che chi ge sera zuegao
28no vorrea uncha esser nao.

  1. LXXXII, 3. in cel crior.
  2. 6. ms.: de manda.
  3. 19. a alcun. -
  4. 22. ms.: ben stentar.
  5. 25. guardem.