Ms. Molfino 421/LXXVI

Da Wikivivàgna
Ms. Molfino 421
Rimme
de Anonnimo Zeneize, a cua de Nichiozo Lagomao
LXXVI - De cogitatione in anno novo
Transcriçion e notte do Nichiozo Lagomao, pubricæ inte l'Arch. Glott. Italian II, 1876
[p. 49r modifica]
De cogitatione in anno novo

Quando e penso in ano novo,
quanto tempo e o falio!
chi in falir son invegio
4e pu peccaor me trovo;per corvime aotri descrovo;
e o lo cor si durao,
che chi tanto son pricao,
8per dir scacho e no me movo;
a li morti vago aprovo
che no vego mai tornar;
quanto e o miso in aquistar
12no me vara pu un ovo.
doncha voio e far controvo
de mi mesmo ben punir;
che chi se vor de mar pentir,
16la pietae de De g e provo.