Lunaio 1811/Foa VIII. - Zanantogno
| ←Foa VII. - O Chirurgo | Il favolista enigmatico - Lunario per le Dame - 1811 de Zanantogno |
Foa IX. - Gian Scimon→ |
| torna a-i atri lunai |
Foa VIIIa.
Zanantogno.
Zanantogno o l'ea un mainà
Che da tempi o navegava,
E se o vento infuriava
O saveiva a tempo scià;
Ma comme ommo de caprisso
O l'à osciùo mettise in ballo
Con voei fa o cavallerisso,
E vedendo un bon cavallo
O ghe sâta fito adosso
Comme o fa a sâta in to gosso.
Ma o cavallo non da basto
Assê presto o l'ha allumoù
Zanantogno con l'anasto,
E co o sâto du[sic] monton
O l'à in têra scavalcoù
Comme un sacco de granon.
Pe aggiuttao gente s'avansa
C[']a rieiva a s[c]ciatta pansa,
Le o dixeiva iisando sciù
Eh mi voeiva chinà zù.
Ma in sostansa tra o Spezià,
O chirurgo, o formaggià
O l'à speiso gran dinà,
E o s[']e fêto mincionà.
In questo Zanantogno ogniun se spegie
E sacce un'ôta che o Negià fa negie.