Lunaio 1811/Foa III. - L'Orso Galante
| ←Foa II. - Beneito | Il favolista enigmatico - Lunario per le Dame - 1811 de L'Orso Galante |
Foa IV. - L'Èrboo d'Oeiva e o Perseghin→ |
| da-a Libraja Pubbrica de Niorche torna a-i atri lunai |
Foa III.a
L'Orso Galante
Un Orso deruoù zu da l'Abbruzzo
Grifo de Porco e steumago de Strusso
O l'affettava o ton (miê stravagansa!)
Scì de galanteria che d'importansa.
De çerte scimiusse de carroggio
De bon mostasso che resciste a o boggio
O faseiva o galante e o spaximoù,
E scin da ste scimiusse o l'ea schivoù.
Ve poei pensà se questo bello astò
O l'ea morin da fa languì d'amò!
Ma se o sentivi, tutti aveivan torto
A no faghe ala in giro e o cascamorto.
Seì a facenda comme andò a finì?
Che un giorno e bestie stanche de sofrì
Chen, Axi, Beù, Cavalli, e scin i Bê
Tutti contro dell'Orso scadenê
A furia de cornê
D'urli, casci, addenteue l'han scorrio
Sciù ne l'Abbrusso donde o l'ea sciortîo
E da sto giorno in poi proverbio è corso:
Che co o baston se fa çeimonie all'Orso.