Ezerçiççi 2 Giaimo 1924/La patria di S. Francesco
| ←A camua | Ezerçiççi de tradüçiun de Vitta de san Françescu d'Ascixi in purtulian: 1. A pattria de san Françescu (Lüsciandru Munti) |
2. A nascita de S. Françescu→ |
1.
Aveiva San Françescu da nascita i splenduì
Ne l’annu mille çentu e forse ottanteduì.
Bezéùgna mette u forse perchè gh’é quarchedün
Ch’u véù che u segge invece nasciüu nell’ottantün.
U léùgu da só nascita u l’é ünn-a çittadinn-a
Squaèxi ne-u chéù dell’Umbria, posâ sciü ünn-a culinn-a
In tütta a nostra Italia nu gh’é forse regiùn
Che a posse stâ in bellessa cun l’Umbria in paragùn.
Lá gh’é de çimme a sgrezzi,[1] boschi, cianüe cullinn-e,
Belle cascate d’aègua, paixi, çittaè, ruvinn-e.
Climma ciü tostu duçe, freschiscimu all’estaè,
Ünn-a campagna allegra e tütta varietaè,
Assisi a se ghe tréùva in bella puzisiùn:
Munte Subasiu a-e spalle, davanti u curnixiùn
Di munti e de cullinn-e che abbrassan tüttu in gìu
U ciàn che u se prulunga cun debule pendìu,
De sà scinn-a Perüggia, scinn-a Spuletu in zü:
Ün panuramma splendidu se gode de lasciü.
A l’é serrâ fra u Chiasciu e ün âtru turrentin
Ch’u se mantegne sempre u numme de Tupìn.
E só casette antighe se scuran pe-a muntâ,
Quaèxi çercandu ün postu da puèi megiu aggueità.
- ↑ «Cime scabre, ronchióse»