Documenti in vorgâ de l'Ofiççio de Sanzorzo e de so colonnie d'oriente/3

Da Wikivivàgna
Sata a-a navegassion Sata a-a serchia
Doc. III - 12 nov. 1453 - Propoxiçion pe arembâ e cose de Cafà e do Mâ Mao a l'Ofiççio de Sanzorzo.
a cua de P. Amedeo Vigna
Diversor. negotior. offic. s. Georg, ann. 1453 - 1480, fol. 60 verso (ed. into Codexo Diplomatico de Colonnie Taoro-Ligure, Atti da Societæ Ligure de Stoia Pattria, VI, 1868)
in corscivo e paole latin-e, toscan-e e grafemi toscanizanti; tra parentexi quaddre e lettie da azonze, tra parentexi tonde quelle da esponze; azonte maiuscole e diacritichi.
Die lune XII nouembris in sala comperarum sancti Georgij.

[p. 24 modifica]« Segnoi, noi xvi a li quae a questi di per uno consegio grande facto in palaxo fo daeto cura e bailia de provei a le cosse de Caphà: volendo exeguire quello che a noi era staeto comisso: intendendo la necessitae esser grande e lo dexyderio de li citain esser che cossì se facia cum ogni celeritae pensando per quella via se podesse trovare forma a quelli dinae chi fosseno necessarij a tale provisione: ne parse have[i]rne per via de scruptinio lo parei [p. 25 modifica]de li citein: da li quae tandem universalmente trovamo esser questa sententia che ben fosse arembare le cosse de Caphà et de quello Mare Mao a lo governo de lo Officio de San Zorzo: da lo qual nascesse la forma e li remedij per salvatione de quelle cosse. La qual cossa quantuncha fosse aliena da la nostra bailia: pur como quelli chi havemo tale carregho deliberamo riferire a lo j. meser lo Duxe quello che per lo scruptinio noi havemo trovao, sea perchè la balia de provei a quelle cosse era deta a la soa segnoria inseme cum noi, sea che de tale remedio como era aregordao era pur necessario haveire la autorità soa. E demum examinao questa materia molte vote, sia cum la soa segnoria, sia cum lo Officio de Sanzorzo, unde et in l'una parte et in l'altra se trovà pur qualche difficultae, le quale non sono imperò tale che non se possan ben in qualche forma honesta asestare. Per nostro descharego havemo deliberao de proponere questa materia davanti da voi, aciochè poi possae in primis deliberare se ve pare ben che lo Officio de Sanzorzo a nome delle compere accept(a)e lo governo de quelle cosse o non. E in caso che ve ne paera ben de farlo, consyderato che de tale materia se bezogna pur contractarne cum lo palaxo, voi daghè ba[i]lia a chi ve ne paere de poi convenirse de tale materia et contractare cum lo illustre messer lo Duxe et cum lo palaxo sotto tute quelle forme, expense, conditione, pacti et oblighi parirà a li dicti deputati, aciochè a tale materia se possia provei sensa piu induxià. »