Chittarin zeneize 1881/153 Sunetto
Câa
←Sunetto | Chittarin zeneize de Sunetto - a-o meistro Granæa pe l’Elisa di Montaltieri |
Epitaffio→ |
SÛNETTO 1
Bravo, Granæa! bravisdmo davveì!
Scià ha fæto vedde o diäo in te l'ampolletta
Con quella cosa cäa de sò Elisetta 2,
Sentïa e lodâ da tûtti con piaxeì.
Dove scià ha mai pescôu tanto saveì,
Che a veddilo scià pä lì ûnn-a figgetta?
I meistri se ghe cavan de berretta
E dixan che scià fa zà o reo de treì.
O sò stile o l’ha ûn lecco 3 chi sorprende,
Farsïo de sentimento e d’armonïa
O tocca o chêu, o rapisce e non offende;
Gh’é a novitæ, gh’é o gûsto e a fantaxia,
O piaxe finn-a a chi no se n'intende,
E o confonde i maligni.... Scignoria!