Cava in to remoin 1930/DEXEMBRE

by Gioxeppe Cava

←Novembre

In to remoin de Gioxeppe Cava Dexembre

Congê→

DEXEMBRE

Se ne va l'anno che fra gotti e canti
emmo in baldoria allegra salûtôu
se ne va a cresce ö nûmero di tanti
anelli da cadenn-a dö passôu.

Quanta allegria de sô, de giorni belli
l'ha zà con lê a cadenn-a strascinae,
e a-o canto di fanetti e di franguelli
risponde anchêu i cappoin da-i gaggionae.

Coscí risponde ö chêu con di sospii
a i canti spenscierae da zoventû,
a i sêunni che co-i anni son svanii
e ö nostro sangue no ne ascadan ciû.

A vitta a passa fito, comme ûn fiato
e a povia nostra carne a va a marçî
sperando sempre ûn giorno meno ingrato
che mai no se decidde de vegnî.