Berio m.r. II 1.6/O pascio/2
| ←Prologo | Berio m.r. II 1.6 - O pascio Como lo nostro segnor Ihesu Christe si ze in la caxa de Simon Levroso, e como la Madareina portà cun ella lo unguento per onzer a Christe. |
3→ |
| transcriçion do Pierenea Goarnê za pubricâ into Giornale Ligustico XX do 1893 tra parentexi quaddre s'azonze e tra parentexi rionde s'esponze, in corscivo e ligatue |
Segondo che noi lezemo, lo sabbo dela remoriua, lo nostro segnor ihesu christe si era in mensa a uno disinar, in la caxa de simon leproxo, Et sapiando la madareina queste cosse ella si ze incontenente cun una busura de unguento precioxo [e] si lo spanse e onse souer la testa de christe seando christe sulla mensa cun tuti li suoi discipoli, inter li quai si era iuda scariot, lo quar era procurao, e receueiua tuto quello che era daito a christe, e alli apostori. Et questo iuda si era layro, che de tute le cosse chi eran daite allo segnor, ello inuoraua semper la dexema. Et quando la madareina aue uisto questo e spaito quello unguento, iuda si aue grandissimo dolor, e cun una grande indignacion, ello inchomenza a criar e disse, questo si e monto grande perdimento, zo che questa femena a faito, non era meyo (che) questo unguento lo quar uareiua trexenti dinai uenderlo, e dar alli poueri, che spermezarlo e spanderlo, e tuto quello dixeiua, non per compassion che ello auesse alli poueri, ma per zo che ello uoreiua inuorar la dexeina, cossi como ello faxeiua delle altre cosse. Et lantora christe si gi respoxe humilementi alla soa mormoracion. Et lo bon yhesu si se uoze inuer li soi disipoli li quai consentin alle parole, e mormoracion de iuda, e tapinamenti si lli disse, o fraeli per che uoi sei cossi molestiai e turbai a questa femena chi m a spaito questo unguento adoso, ella zoe la madareina si lla faito in memoria de la mia sepultura. Et mi si ue digo una cossa, uoi si auerei semper mai li poueri cun uoi. Ma uoi non auerei semper mai mi. Et lantor lo fazo apostoro odando queste parole, ello si pensa incontenente la nequicia de tradirlo, e inmaginaua como ello poesse auei questi xxx. dinai che ello aueiua perduo per lo prexio dello unguento lo quar uareiua .ccc. dinai. Et lo fazo disiporo ello incomenza a pensar questa nequicia, e aregordandosse che li zue auereiuam rea uoluntai in contra a ihesu christe, e como elli lo cerchauan per darge la morte per inuidia. Et pensando queste cosse lo fazo disciporo [,] lo demonio si ge intra in lo corpo, et incontenente ello si se leua dalla tora e ze alli zue, e ssi ge disse, Segnoi e sso tropo ben che uoi si cerchai de prender lo me maistro christe, e se uoi me uorei ben pagar, e ue lo daro in uostra bairia, imperzo che mi e son so disciporo, e si ue ordenaro lo tempo in che hora uoi lo prenderei impero che e sso le soe mainere. Et li zue respoxen che uoi tu che noi te dagemo, e iuda ge disse, uoi si me darei .xxx. dinai de bon argento, et li zue si gi promissen alla soa uoluntai.