Berio m.r. II 1.6/Lode sacre/7
| ←6 | Berio m.r. II 1.6 - Lode sacre Laudes beate virginis Marie. |
8→ |
| transcrito e pubricao da V. Crescini e G. D. Belletti into Giornale Ligustico X, 1883 |
O Stella matutina,
doce vergene Maria,
altissima regina,
metine in santa via.
2.
O Stella matutina,
pina de gran splendore,
o roxa senza spina,
chi dai si doce odore;
altissima regina,
pregai lo Creatore,
che ello ne perdone,
e ne meta in santa via.
3.
Pregai lo Creatore,
regina, se a voi piaxe,
che ello ne perdone,
e mande inter noi paxe;
de lo so doce amore
li nostri cor abraxe
quelo Segnor veraxe,
chi n'à tuti in bairia.
4.
Pregai lo fijor vostro,
maire de pietae,
chi in croxe fo morto
per le nostre pechae,
che ello mande paxe tosto
in la Cristianitae,
in la nostra citae,
in Toscana e in Lombardia.
5.
Pregai, o doce maire
pinna de misericordia,
per le terre e le citae,
onde è guerra et
discordia,
che ello debia mandar
paxe e bona concordia,
et onde [è] paxe e bona voya
conforta tuta via.
6.
Pregai per la terra santa,
onde Criste portà passion,
che la gente cristiana
ge possa servir lo Segnore;
pregai per la gente pagana,
che elli crean allo Creatore,
et quelli chi son in errore
li meina in drita via.
7.
Pregai per li naveganti,
che per voi elli sean salvai;
dai conseio alli mercanti,
et li poveri aitoriai;
li peregrini et viandanti
da voi sean consorai,
et alli infermi e tribulai
daigi la vostra aya.
8.
Pregai per li peccaoi,
chi a voi voren tornare,
che per vostro amor
gi debia perdonar.
Per voi beneita fiore
ogni homo se po salvare;
ben devemo sperare
in voi, doce Maria.
9.
In voi, doce Maria,
ogni homo si à speranza;
alli iusti voi dai aia,
alli peccaoi perdonanza,
et pregai tuta via
lo Re de gran possanza,
che ello li dea perseveranza
a questa compagnia.