Berio m.r. II 1.6/Lode sacre/3

←2

Berio m.r. II 1.6 - Lode sacre Della epiffania de lo nostro Segnor Jexu Criste.

4→

transcrito e pubricao da V. Crescini e G. D. Belletti into Giornale Ligustico X, 1883

Della epiffania de lo nostro Segnor Jexu Criste.

Cerchemo lo Salvatore
cum li re in compagnia,
chi è nao per nostro amore
de la vergen Maria.

2.
Andemo a cercar
lo nostro Creatore,
chi è nato per salvar
tuti li pechaoi.
Li Re cum grande amore
vegnivan da oriente,
cerchando humelmenti
lo Re de gran bairia.

3.
Li Magi si cercavan
Iexu Criste desirao,

Et per Ieruxalem spiando
cum lo cor inluminao:
unde è lo Fantin chi è nao,
chi è Re de li Zuè?
In oriente vimo in ce
la soa stella, chi è parsua.

4
O Re turbao monto forte,
Herodes Re marvaxe
et si voreiva dar morte
a Criste Re de paxe,
digando: a mi si piaxe
che voi l'andei a cerchar;
si lo verrò a adorar
in vostra compagnia.

(Li magi si cercavan
Iexu Criste desirato
Et per Ierusalem spiavan
cum lo cor inluminao:
Onde è lo Fantin chi è nao
chi è Re de li Zue?
In oriente vimo in ce
la soa stella chi è aparia

Lo Re si è turbao monto forte
Herodes Re marvaxe
et si voreiva dar morte
a Criste Re de paxe,
digando: a mi si piaxe
che voi lo andai a cerchar)^[1]

5.
Li Magi se partian
da Herodes doloroxo,
et in Bethleem vegnivan
a veder Criste glorioxo.
Lo Fantin pietoxo
alegrava li Re santi;
la soa stella i andava avanti,
chi gi mostrava la via.

6.
La stella cum splendore
li santi Re menava,
onde era lo Salvatore,
e lì sovra s'astallava[n];
et intrando in la doce caxa
trovàn un fantineto,
chi iaxeiva povereto
cum la vergene Maria.

7.
Li Re se inzenogiavan
cum grande humilitae,
et lo Fantin adoravan,
la divina maestae.
O quanta claritae
era in lo doce vixo
de lo Re de paraixo,
chi era inbrazao de Maria!

8.
Li Magi àn averto
lo so grande texoro,
et a Criste àn oferto
mirra, incenso et oro.
L'angero gi dise in sono:
a Herodes non tornai.
In lo so regno alegrai
retornàn per altra via.

9.
O anima pinna d'amore,
or ve a contemplare
Criste lo to redemptore
cum Maria soa maire;
ello si s'è vosuo humiliare
et esser to fraello
per menar a ti in cielo
alla soa compagnia.

1. versci ripetui pe sballio ma con de interessante diferençe (G. Musso)