Berio m.r. II 1.6/Lode sacre/14

←13

Berio m.r. II 1.6 - Lode sacre De beata virgine et de Iexu Cristo cun tuti li santi.

15→

transcrito e pubricao da V. Crescini e G. D. Belletti into Giornale Ligustico X, 1883

De beata virgine et de Iexu Cristo cun tuti li santi.

Laudato sia Criste
e la vergine Maria
cun tuti li soi santi,
quella doce compagnia.

2.
Semper sia laudato
Iexu Criste salvatore,
chi fo crucificato
per salvar noi peccaoi.
Lassemo ogni peccao
per lo so doce amor,
et seamo soi servioi:
laudaro tuta via.

3.
Or semper sia laudata
la nostra doce maire,
chi è nostra avocata
davanti da Deo paire.
Ogni peccaor à gracia,
chi a ello se vor tornare.
Or gi piaxa de pregare
per questa compagnia.

4.
Laudemo li santi angeli,
chi serven allo

Segnor,
et li beneiti Archangeli,
e li spiriti pin de amor.
Elli si cantan docementi
laudando lo Creator.
Or pregai per noi peccaoi,
e seai in nostra aya.

5.
Laudemo humelmenti
li patriarcha glorioxi,
chi a Criste fon obedienti
cun gran fe et pietoxi.
Or pregen per noi docementi
queli pairi virtuoxi,
che li cuor nostri sean despoxi,
a servir la drita via.

6.
Laudemo cun reverencia
li profeti da Deo mandai,
chi aven gran sapiencia
de spirito santo illuminai.
Da quela forte sentencia
per queli seamo scampai,
et in celo seamo acompagnai
a la lor compagnia.