All'inarivabile meistro Scimon Mayr
| All'inarivabile meistro Scimon Mayr de |
| Quande o Martin Piaggio o scriveiva ancon inta grafia Priaña. (G. Musso) Scanscion gentî omaggio da Biblioteca muxicâ Gaitan Donizetti de Bergamo che ringraçiemmo. |
ALL INARIVABILE MEISTRO
SCIMON MAYR
IN ÖCAXION
DO NOEVO DRAMMA
LA ROSA BIANCA E LA ROSA ROSSA
Da le misso in Muxica, e rappresentao con straordinaio e generale applauso
AO TEATRO DA S. AOSTIN
In Carlevá do 1813.
Sûnetto.
Portento de natùa dò dì d'anchœu,
Meistro de tùtti i meistri rinomæ,
Genio di Genj, armonica Deitæ
Disceisa in tæra a recoveane o cœu;
Chi ælo quell’ommo, che componne pœu
Motivi coscì bælli riçerchæ?
Pezzi de Paradiso imbalsamæ,
Conçerti de canaj e roscignœu?
Come ti æ fæto a fà quello terzetto
Chi ne rapisce? Chi te dè l'incanto
De scrive quello magico duetto?
Dove ti æ impreiso mai l'arte do canto?
Dimme chi ti è?... Ti è un Dio, scì, ghe scometto
Che l'ommo in tæra non arriva a tanto.
m.p.