A gran sciortia de San Giacomo de Foxinne pe-o çentanâ do 1823

Da Wikivivàgna
A gran sciortia de San Giacomo de Foxin-ne pe-o çentanâ do 1823
de Martin Piaggio
Zena, Stampaja Pagan, conservao presso a Libraja de Stoia Moderna e Contempoannia de Romma e acescibbile da Google Books
[p. 1 modifica]

A GRAN SCIORTIA

DE SAN GIACOMO DE FOXINNE

Pe-o Çentanâ do 1823.


Canson

Scialla, scialla! Сazassanti
Воin Zeneixi, e Foxinanti,
Scialla! evviva! allegri! scialla!
Sciù metteive e gambe in spalla,
Lasciæ tutto, andæ, spicciæve,
In Portoja, e là ciantæve.
Ріggia fêugo anchêu o Quartê,
Тremmelêujo, ven zù о Çê,
Мaume, cose strepitose,
Gren mäveggie portentose.
Finalmente l'è arrivôu
О gran giorno dexideôu,
Ne-o quæ sciorte, e fà furô
А Саzаssa do Maggiô
Вattaggiæ campan-ne a doggio,
Che se verse, spande, e spende,
Сhe se sciate, e s'invexende
Тutta Zena, e ciù un caroggio,
Сhe se fasse fæsta grande,
Сhe se verse, spende, e spande,
Аo dinâ no se gh’ammïe,
Сhe se tratta de fâ onô
А[a] ciù bella de Sciortie
A fâ vedde chi è о Маggiô,
Сhe s’appâe Сaroggi, e Сiasse
Сon damaschi, e che se fasse
Da per tutto gran bombæa
Con festoin, bandёe de sæa
Luminæe, torcie, lummetti,
Сanti, suin, e mortaletti
Сhe travaggie a scarso i С[h]êughi,
Che e dagghe fêugo ai Fêughi,
Là in Besagno, che son quelli
Fæti apposta, ricchi, e belli
Degni ben de chi i veddiâ,
De chi i fè, e de chi i fè fâ.

[p. 2 modifica]


Se а mæ Muza, e o biondo Dio
Мe guardassan de bon êuggio
Е me dessan comme vêuggio,
Un pittin de barbacïo,
vorriæ fâve a descrision
Da magnifica Sciortia
Fæta da ogni Compagnia,
Ма!... con lô no g'hò ciù bon
Тanto, e tanto me proviö,
М’inzegniö comme porriö
Воссa a bûscio, no parlæ
Stæ a sentî, e strasecolæ.

Inprinçipio da-о Соnfaon,
Сose diggo? primma intrеmmo
Nell'Оtojo, e là osservemmo,
(Сon piggiâ primma o perdon,)
Сomme o l'è ben ristorôu,
L’han de nêuvo fabbricôu,
Сhe gustosa archittettûа!
Оuanti stucchi! che indoattûa!
Мanco pe ombra o pâ ciù quello,
О l'è un lumme, о l'è un giojello,
Miæ che ornati? che figûе
Fæte a fresco, e rilevæ?
Son belissine Pittûe
Di pennelli rinomæ
Do Sciô Allessio figurista,
Е do Sciô Canzio ornatista,
Che lè giusto de lodâ,
Вravo ascì o Sciô Çentannâ
Ch'o l'è stæto o Stûccadô,
Ма сіù bravi i Fræ che Lô,
Gh'han sapûo spende e roscin-ne
Реr l'Оtoio de Foxin-ne
Azzunzeighe o stepitoso[sic]
Е nêuv’organo armonioso
Сhi è costôu un pesso de c[h]êu,
Ма!... che sciammo de figgiêu!..
Quanto sciato che se sente!...
Сose fan là tanta Gente?...
Scialla! sciorte a Procession,
Рresto fêua, che chi gh'è streito
In sciâ fava l’êuio m'è cheito
Еivea là . . . spunta о Соnfaon
Сh'о l'è bello, e ben dipinto
Е fra i megio o ciù distinto,
Тutti o san che l'han za visto
Gh'è per zunta un fasciamento
Liscio all’asta drûo d'argento
Сanti nêuvi comme a-о Сristo.
Quanti belli Fræ! dæ mente?
Оh che vista soгprendente!
А vanguardia son do Möu
Vestii tutti in teia d'öu,
Recammæ a ramme d'argento
Роmmi, Sciôi, con perle drento,
Мiæ che belli Таbarin
De velûo trei pei turchin!
Сhe ricchissimo travaggio!
L'öu, l'argento g'han versôu
О gh'è sciù comme o formaggio,
Grande imprunto d'öu da-o lôu
На i Portoei per fâ ciù onô
А-o Stendardo do Maggiô.

Mаrcia ä testa l'armoniosa
Вanda Sarda strepitosa
Тutta missa in gran tеgnua
Сhi sunià con precisua

[p. 3 modifica]

Вelle marcie, e scinfonïe
Rosciniane, e ciù applaudïe
Рe allegrâ un miggio lontan
Е реrson-ne che aspёtian.

Оh che bello Cavallin
На San Giacomo o piccin!
О l'è misso in punto d'öа
Gasse ä testa, e tresse ä сöа
Gran valdrappa recammâ
Staffe, e brille da restâ;
Оsservæ San Giacomin:
L’han vestio d'argento a rёo
Veluo rosso o Тabarin
Recammôu, comme о l'è fёo
Рâ ch'o l'aggie vinto i Мöi
Е сh'o vadde a c[h]êuggie alloi,
Zitto... о predica, .. .bravissimo!
О l'è lesto, ..., о va benissimo!
Stæghe larghi, se o scontræ
Ріggiae ancon de takanæ.
 
Мiæ un pö là che Pastorali!
che dui omni colossali!
Сhe moen grosse, e brasse eterne!
Рän Golia con Оloferne,
Gente cäe che Tabarin!
Оh che Сappe! che strascin!
Dormo, veggio, oppù traveddo?
Se l'è veo quello che veddo
Мі no sò trovâ espression
Реr descrive comme son
Мiæ un pö e Сарре! oh che portento!
De graçê d’öu e d'argento
Соn massetti rilevæ
De scioettin-ne delichæ
De vaghissima invension
Son Віхіù, vegnui da Lion
Сhe ricchezza de lavô!
Da chi a un pò ecclissa o sô.
Сhe stupendi Tabarin
D’un velûo ch'o pä carmin.
Мa coverto c'un spavento
De recammi in öu, e аrgento
Соn emblemi, e con magïe
Аlluxivi a-e Compagnie
Сhe me fan restâ de stûcco
Е divento un mamalûcco;

No ve parlo di trionfali
Giganteschi Pastorali
In argento, che ghe vêu
Сavo, e stanga per portâli,
Е che un Оmmo appen-na o pêu
Сon gran stento rebellâli,
Solamente Sant'Andrìa,
Е San Giacomo osservæ,
Questo o scappa, e l'atro o spïa
Тanto son ben travaggiæ, .
De Реschёa lodæ о modello
Е o ponson de Macciavello,
Вravi Artisti da giornâ
Сh'è ben giusto nominâ.

Quanti belli gardettin
Вen vestii da Pellegrin!
Repassævei per menûо,
Son due Squaddre c'han çernûo
I zelanti Rætinê
Fra i ciù belli do Quartê;
Сарpettin-ne de razon
Сelestin vegnûo da Lion,

[p. 4 modifica]

Таbarrin rosso affugôu
De veldûo ben recammôu
Сon bordoin guarnii d'argento,
Е con tutto o finimento
Аdattôu; arselle, e croxi
Тutte d’öu, sentî che voxi!
Сomme son ben accordæ?
Сomme cantan regolæ
Тutte e lodi in gloria e onô
De San Giacomо о Маggiô,
Сhe ha composto egreggiamente
О Sciô Scotto espressamente,
Вravi! Еvviva e Lô, e Lê,
А Сazassa, e i Retinê.

Рrinma Сroxe ven avanti
In argento recammâ,
Мiæ che Titolo! Сhe Сanti!
Se ciù belli se pêuan fâ?
Сhe ricchessa, che maestria,
Сhe finessa de lavô!
Вravo Çelle chi è l'autô.
А l'è a primma Сompagnia,
Тitolâ Sant'Оnorato,
Мiæ che Сappe! quanto sciato!
Рän de Zaffiro ciantæ,
Son de razo blêu lavoæ,
Тutte in öu a cartolin;
Сhe recammo ha i Таbarrin,
De velûo cremexi bello
Da cavaseghe o capello,
Сon imprunti tutti d’öu,
Реr ciù sfarso, e ciù decôu,
Senza dâ mente ä monæa,
Fêuа de fiaccole di Fræ,
Gh'è sei callai d’Оmmi apраæ
De röboin rossi de sæa,
Сhe camallan torcie all'aja
De longhessa staordinaja,
Нan l’imprunto d'öu lô ascì
Мa no se finisce chì;
Gh'è un concerto, che sentiei
Сose han sapûo fâ і Теnzoei
Аtra bella Croxe ven,
Сhe gnocchin! comm'a stà ben!
Imbottïa tutta d'argento
Se ghe spegia proprio drento,
А l'è do Spirito Santo,
Сanti, e Titolo grandiozi,
Вen ideæ, ricchi, grasiozi,
Вravo Ansado chi n'hà o vanto,
Тabarrin de velûo möu,
Мa neghæ tutti in te l'öu,
С'un recammo elegantissimo
Е d’un gusto squisitissimo,
Оgni cappa a ne vâ cento,
Вrocchæ d'öu, teja d'argento,
Сosì cille, delichæ,
Сhe bezêugna ch’ё baxæ.

Ven a terza Compagnia
In gran gala ben vestia,
Сарре moscie de razon
Сô de scorsa de çettron,
Recammæ, che pän brillanti,
Тabarrin neigri in velûo
Соn recammi fulminanti,
Сhe inorbiscian de segûo,
А l'è de Anime Рurganti,
Сroxe neigra travaggiâ

[p. 5 modifica]

In argento; e i ricchi Canti
Do ponson de Сanevâ,
Son superbi e grasiozissimi
Сomme о Тitolo, e bellissimi.
 
Аoa tocca ao Venеrdì.
А gran Croxe eccovea lì
De Tartuga ben macciâ
Сhe d'argento ciù stimmâ,
Son magnifici, e galanti
Тanto o titolo che i Canti
Do Lavoejo de Navon,
Сарре gianche de razon,
Рän d'argento recammæ
In öu sccietto da Роistæ,
Сhe disegno! o va un Perù
Е no se pêu fâ de ciù,
Тabarrin rossi compj
D'öu, e argento greminj
Тravaggiæ d’un gusto nêuvo
Da lasciâghe i êuggi apprêuvo;
Мiæ che ricca, e galantin-na
Сosa caa de Sergentin-na
Da per tutto lûxe, e spunta.
А Маdonna de l’Assunta: '
Gh'è un Conçerto da stuppî
Тutto in viole, e violoncelli,
(Fruta nêuva,) stæ a sentî?
Сhe armoniosi ritornelli!
Вravi i Perruchê davvei
San fâ a barba a contropei.

Quanto cæo! che rammaddan!
L'è chi o СRISТО, allegramente?
Веlla Immagine imponente
Do famoso Venezian,
Chinnæ tutti a testa ao Möu
Аo Santuajo de Foxin-ne
Тutto pin d'argento, e d’öu
Мanto, sfera, gosse, spin-ne,
Сroxe antiga, e rinomâ
De Tartûga recammâ
Сon bon gusto, e precisûа,
Сanti ricchi, e strappiccanti
De Semin bella fattûа,
Gran Diadema de Diamanti,
Сарре regie, originali
Рêuan servî per Pastorali,
De graçê d'argento son
Fæto tesce арposta a Lion ,
Тempestæ con de miggæa
De scioettin-ne in öu e in sæa,
Сhe ghe stæsci un-na giornâ
Sempre fissi a stâle a miâ;
Тabarrin ben recammæ
Тutti in öu, che moscitæ,
Rossi cremexi stordiscian,
Imbarlûgan, sbalordiscian,
No se vedde ciù o velûo,
Lô se veddan fin ao scûo;

Quanti lummi! quante seje!
No se pêuan manco contâ,
Che fra torcie, e fra candeje
Gh'è a bûttega d'un Сandeâ,
Веlle fiaccole grossissime
Ventiquattro[sic] torcie altissime,
Due duzen-ne de Fannæ,
Voeivo di Lumёe volanti
Fæte арposta tutte indoæ
Сon festoin ricchi, elleganti

[p. 6 modifica]

De finissimo lavô
De Traverso Intaggiadô,
Аrrezûe da i Caravana
In gran tonaca ä romana,
De velûo cremesi liscio
Сon imprunto d'öu massiscio
Сomme quello di Portoei,
Gran conçerto de Sunnoei
Сhe san manezzâ o violin
Сomme tanti Paganin;

Сhe Portoei de nêuva speçie?
Son granii cö peive [e] spesie,
I ciù bulli de Portoja,
Da no perdine a memoja,
Сhe equilibrio! che destressa!
Сhe possansa! che seguessa!
Тesta drita, e bassi i êuggi
Van, stan fermi comme sc[h]êuggi,
Fan stancâ, e frustâ i Sunoei,
Сhe zizoette de St[ramuoei!]
Аrrezieivan un canon,
Нan ciù forsa che Sanson!
Viva о Мöu! viva a bravûa
De chi porta, e chi stramûa.

Donne cae quanto splendô!
Lûxe a lun-na, o spunta o Sô?
Fæghe roso a l'è chi Lê
А spozâ di Carbonnê,
А gran Croxe chi è fasciâ
In argento, e travaggiâ
Сon ghirlande a fêugo indoæ,
Мiæ che canti stramezuæ!
Son un miggio de longhessa,
Е un arcadia de bellessa,
No gh'è stagno, o rammo drento
Мa son tutti a reo d'argento,
Сhe dinæ! Сose costian!
Se g’han vunto ben о раn.
Мiæ che Putti ben tocchæ!
О gran titolo osservæ,
N’ei mai visto ciù lavuôu?
Вагbasciûscia! l’è pagôu.
Тutta roba do ponson
Е da testa de Navon.
 
А l'è a sesta Сompagnia
Тitolâ a Nativitæ,
De razon rosso vestia
In gren cappe recammæ
А rebucco tutte in öu,
С'han za fæto a corte ao Мöu,
Таbarrin ricchi sguassozi
De velûо neigro famosi
Ре i recammi c'han d'attorno
D'öu, e argento fæti a giorno,
Сhe per Zena s'è za visto
Quando son servii pe-о Сristo,
Мa che con ciù se veddian
Sempre ciù belli parian,
Тanto ciù che g'han azzunto
In argento un grand’imprunto,
Е un-na bella Sergentin-na
Сhi pâ a stella matuttin-na,
Bravi! evviva i Carbonê!
Наn tiôu fêuа tutti i papрê,
Quando è tempo fan l'erzûa,
Е san batte a tutti a pûa.

Ессоi là tutti attorniæ
А[a] so Сascia, e invexendæ

[p. 7 modifica]

Quanti son grendi, e piccin
Рän a ciossa co-i pollin
Tutti allegri, e fêua de lô
De portâ in trionfo o Мaggiô.

Bella Cascia! dæ un po mente
L'han montâ superbamente,
Quanti lummi! a piggia fêugo,
Quante scioî! no gh'è ciù lêugo
De poei mettighe un massetto,
Ne d'azzunzighe un mocchetto;
Мiæ San Giacomo chi ammassa,
Е о Сavallo chi pestassa
Тurchi, e Моi, che scappan via
Arrancandose a sciscia,
Son figûe de bon Scopello,
Mа о Stendardo o l'è o ciù bello,

Varda, agguanta, che fracasso!
Сose fan? piggian o passo;
Van, caminan, sg[h]êuan, ... fermæve
Pе un momento ancon posæve;
Voemmo vedde torna o Santo
Е sentî cantâ fratanto
I bellissimi Мutetti
Вen composti in canto fermo
Dall'insigne Donizetti . . . .
Foxinanti chi me fermo
Реrché ho perso a vista, e o sciôu,
М’aoa cose ve stimmæ
Сh'aggie tutto raccontôu?
N'ho contôu manco a meitæ,
Роsso ben sfiatâme, e dive
Ghe vêu atro per descrîve
А bellessa, а squisitessa
А ricchessa, a splendidessa
D'ogni Сарра, е Таbarrin,
I vermiglj senza fin,
L'öu versôu da tutte e bande,
Е l’argento chi se spande,
О travaggio mai ciù visto
D'ogni Canto, Croxe, e Cristo,
А decensa, l'armonia,
О contegno, a polisia,
Е l'impegno d’ogni Fræ
Мilitante sotto o Möu
De marciâ con dignitæ
Вen calsôu, con fùbbie d’öu,
О gran lusso, а profusion,
Oh che incanto! che illuxion!
Сhi no vedde no pêu credde,
Е bezêugna andâghe a vedde
Реr persuâdise, e straggiâ
Non plus ultra se pêu andâ,
No gh'è n'è atra che ciù sguasse
[A l'è a pri]mma de Сazasse
А Regin-na de Regin-ne,
L'Impeatriçe de Foxin-ne,
А fà o reo comme de træ,
А l'è a Secca di dinæ,
А minёa d’ogni Тesöu,
Е per terminâla fito
О Depoxito do Мöu!
Е con questo tutto ho dito.

Foxinanti insuperbîve,
Dа sciortïa, che n’ei raxon,
Fæla in marmo sculpî, e scrive
Fæghe sotto un Inscrision
In parolle grosse d'öu
(Degna lapide pe-o Мöu)

[p. 8 modifica]

Аd perpetuam rei memoriam
Еt Sancti Jacopi gloriam
Fæa dipinze a êujo, e a sguasso
In sciâ teja, e in sciô pappê
Da ogni canto in ato, e in basso
De l’Otojo, e do Quartê,
Реrchè saccie ognun chi passa
Сose l’è a vostra Cazassa,
Ne se sazie mai de vei
А Sciortia do vintitrei,
Сhe nei fasti de Foxin-ne
А formià l'epoca megio,
Е a servià de lûmme, e spegio
Perchè ogni atra se gh’inchin-ne,
Е confesse a gloria, e onò
Da veitæ ch’а l'è a maggiô.

Scialla! dunque consolæve
Foxinanti, e recillæve,
Аbitanti de Portoja
Роei cantâ trionfo, e vittoja
Vivа о Мöu, forte sbraggiæ,
Viva i bravi nostri Fræ,
Viva Giacomo о Маggiô,
Viva chi è sò Protettô,
Е finî cantando a cöu
Giorno e nêutte, Еvviva о МОU!
Сhe i Zeneixi se sciallian,
Viva о МОU ve rispondian.

m. p.

ZENA, Stampaja Pagan.


Con permission.