Çittara zeneize/Rimme servî/In cangio d’allegrâme, avei per fruta
| ←Strenzime, Amô, che vaggo in taggiarin | Çittara zeneize - Rimme servî de In cangio d’allegrâme, avei per fruta |
Me pâ che cazze in pê comme ri gatti→ |
| Zena, Franchello, 1745 notte do Prien |
X.
In cangio d’allegrâme, avei per fruta,
Quando veggo Zaniña a vista d’œuggio,
Resto ni ciù ni manco comme un scœuggio,
Con ro cœu morto, e con ra cera futa.
Resto lì con ra bocca bella sciuta:
Vaggo tutto in un suo, son tutto a mœuggio:
M’accorzo a ro scangiâ dro pin de l’œuggio,
Che ra morte con l’añima desputa.
Ma lê, chi ten ra ciave dro mæ cœu,
A me tira con l’œuggio uña coetta,
E me mega m un træto onde me dœu.
Chi sa? diggo tra mi: ra poveretta
A no fa fossia ciù, perchè a no pœu.
Così Amô me retorna in canderetta.