Çittara zeneize/Rimme servî/Façço ogni dì ciù fæti che Gianchiña
| ←In çento e mille lœughi dra Çittǽ | Çittara zeneize - Rimme servî de Façço ogni dì ciù fæti che Gianchiña |
Çento votte ro dì mœuro e renascio→ |
| Zena, Franchello, 1745 notte do Prien |
VI.
Façço ogni dì ciù fæti che Gianchiña,
Per vei,se a ra fin fæta gh’è sperança
De mœuve a compassion, de rende mansa
Questa tigre superba de Zaniña.
Ra tegno int'ro bambaxo in pavariña;
Ra prego e l’onzo; me ghe bœutto in pança:
Ma se ben fesse ciù che Carlo in França,
Porto sempre a ro cœu ra mæsma spiña.
Che se ben, de mirâme, a væ’ che porto
Ro sigillo dra morte in mi stampao,
Che no posso esse a ciù cattivo porto,
Con cœu sempre ciù ingordo e ciù abbrascao
Pâ che a bramme de veime a drito e a torto
Misso a l’ærboro secco e affossinao.