Çittara zeneize/Rimme marinaresche/Questo pâ de nazelli de çinqu’effe
| ←Quando in ro fâ dro dì, bâgiando ancora | Çittara zeneize - Rimme mainæsche de Questo pâ de nazelli de çinqu’effe |
Quando Maxiña, solo d’affaççâse→ |
| Zena, Franchello, 1745 notte do Prien |
XIX.
Questo pâ de nazelli de çinqu’effe,
Desferrǽ da ro lammo in questo pointo,
In paragon dri quǽ perde l’arinto,
A segno tâ che ognun fe ne fa beffe,
Se ben, per esse ancœu pesci a bezeffe,
Vegnan a esse pe ro mæsmo cointo
Donativo da fâne poco cointo,
Da reportâne ro mâ e re beffe,
Ballin, chi moǽ però no desconfia
Dra sò Maxiña, bench’o fesse un fallo,
Comme fruta dri scœuggi o ghe ri invia.
Quanto a ra contraziffra dro regallo,
Se supprica amermâ tanta raoxia,
Chi merita zœumoǽ ciù che un cavallo.