Çittara zeneize/Rimme marinaresche/Questo Liban aççeizo incatranao
| ←Ra megio lesca, che moǽ fesse Dê | Çittara zeneize - Rimme mainæsche de Questo Liban aççeizo incatranao |
Un dentexotto de træ lire apointo→ |
| Zena, Franchello, 1745 notte do Prien |
III.
Questo Liban aççeizo incatranao,
Che aora con tanta fǽ[sic] pâ chi te ghie
A descrovî ri pesci chì e líe,
Dra foscina compagno sì zurao,
Chi ben poesse savei, così in sò grao
Dri fæti tœu, Ballin, foscia o se rie.
Queste, che in lê te poæran sciamme a tie,
Son foscia un carlevâ dro tò peccao.
Che per fâ fœugo, e vei ben drento e fœu
Tutta fin a ro fondo ra mariña,
Che ciù bello liban gh’è dro tò cœu?
Quello con peixegrega e trementiña,
Questo, senç’atro, fâ lê mæsmo pœu
Sciamma, no che fanâ, dra fregattiña.