Çittara zeneize/Rimme marinaresche/Quando per ammortâ ra sò fasciña
| ←Quando Maxiña, solo d’affaççâse | Çittara zeneize - Rimme mainæsche de Quando per ammortâ ra sò fasciña |
Quando Maxiña, per piggiâ l’imbatto→ |
| Zena, Franchello, 1745 notte do Prien |
XXI.
Quando per ammortâ ra sò fasciña
Ro Sô mescia in Ponente re garrette,
Che comença a uscî fœura re barchetie
A spaçio chì e lì pe ra mariña,
Amô, per fâme vei cos’è Maxiña,
Se quello Sô con questo s’ha da mette,
Me ra mostra assettâ sciù re gærette,
Ò tra re atre in quarche fregattiña.
Lì o me prœuva a força d’argomento,
Solamenti con fâsera a re die,
Che ro Sô chi va sotta è un Sô depento.
Tæ’, mîrara (o me dixe) aora de chíe,
Ti no vei là che gh'è çento per çento?
Che un te fa cianze, l’atro te fa rie?