Çittara zeneize/Rimme marinaresche/Quando de secca in secca va Maxiña
| ←Quando Maxiña, per piggiâ l’imbatto | Çittara zeneize - Rimme mainæsche de Quando de secca in secca va Maxiña |
Queste secche sì comode e cianelle→ |
| Zena, Franchello, 1745 notte do Prien |
XXIII.
Quando de secca in secca va Maxiña
Con ro pê comme apointo de recœutto,
Ghe stà lì comme a dî, Bocca che vœutto?
Tutta de lætepreizo ra mariña.
L’aragosta, ro dentexo, l’ombriña
Corran tutti a regatta in un pancœutto,
Comme a ro massamôrro dro bescœutto,
Affoeiturǽ, feríi a ra tettiña.
Ma che ri pesci s’invriægan tanto
Da sâtâ comme matti fœu dro Mâ
(Che, comme bestie, no san ciù che tanto)
Che maraveggia in fin se n’ha da fâ?
Se Ballin, chi ha giudiçio ò tanto ò quanto,
No gh’ha poco ni bricca da refâ?