Çittara zeneize/Rimme marinaresche/Quando d’in âto mâ tutti arraggǽ
| ←Questo gran Sô, chi ne pertuza e scotta | Çittara zeneize - Rimme mainæsche de Quando d’in âto mâ tutti arraggǽ |
Lonzi da voî, mæ cœu, comme hò da vive→ |
| Zena, Franchello, 1745 notte do Prien |
XXVIII.
Quando d’in âto mâ tutti arraggǽ
Veggo vegnî zù comme tenti chen
Ri maroxi abbajando a ro terren,
Da pœu ri veggo tutti abbonaççǽ,
Mi, che aspeto ogni dì de vei cangiǽ
Ri maroxi, onde Amô sempre me ten,
M’allegro, e lì me ri figuro cen,
Da ro mæsmo retræto accoppiǽ.
Ma quando veggo in fin che l'è finía,
Che, se ben quelli ammortan ra sò raggia,
Per mi gh’è dì e nœutte, traversía,
M’accorzo a ro reverso dra medaggia,
Che in questo mondo l’è bella spedia:
Ri nostri gusti son fœugo dre paggia.