Çittara zeneize/Rimme marinaresche/Pallido, descarnao comm’un’agûo
| ←In questa Cara, e scœuggi sì reduti | Çittara zeneize - Rimme mainæsche de Pallido, descarnao comm’un’agûo |
Ballin, che fæto? onde te perdi túe?→ |
| Zena, Franchello, 1745 notte do Prien |
IX.
Pallido, descarnao comm’un’agûo,
Con ri œuggi incavǽ, ra vista scura,
Per fantasma e per mostro de natura
Zœumoǽ ciù che per ommo conosciúo,
A ri pê dra sò Bella (aggiando avúo
Con lê non sò che poco d’intratura)
Si ben che con ro sciao tosto a mezura,
Così parlà Ballin quæxi boccuo.
Tæ’, mira, e dezingànnate a ra fin,
Añima sença fæ’, con questo spegio,
Quanto in là sæ per ti ro tò Ballin.
E da pœu ch'o te dà tanto de vegio,
Scànnaro de tò man; che ro meschin
Piggerà sempre tutto pe ro megio.