Çittara zeneize/Rimme marinaresche/Che Ballin, se se mira ra sò scciatta
| ←Ballin, che fæto? onde te perdi túe? | Çittara zeneize - Rimme mainæsche de Che Ballin, se se mira ra sò scciatta |
Dopo avei tutta nœutte tempestao→ |
| Zena, Franchello, 1745 notte do Prien |
XI.
Che Ballin, se se mira ra sò scciatta,
Maxiña, sæ pescao de bassa man,
Chi per vive travagge comm’un can,
Scciavo de quattro parmi de fregatta,
Ognun ro sa: lê mesmo a chi ne tratta
Ro confessa, con dî: Povero e san:
Se dicæra per ommo da caban,
Chi n’agge manco sâ pe ra pignatta.
Ma che così giammin, comme Dê vœu,
O no se fesse arvî comme ri anciôe,
Per dâte in pugno l’añima e ro cœu?
Ma che Ballin, Maxiña, no te côe?
No t’agge a caro ciù che ri œuggi sœu?
Ma che Ballin non t’amme? oh questo noe.