Çittara zeneize/Rimme çivî/Son resoluto, Añima cara, unsemme
| ←A lettere de scattore ve scrivo | Çittara zeneize - Rimme çivî de Son resoluto, Añima cara, unsemme |
Minetta cara, no ghe son ciù mezo→ |
| Zena, Franchello, 1745 notte do Prien |
XXIX.
Son resoluto, Añima cara, unsemme
De dîve ancon, così per mæ conforto,
Ro tormento e passion che per voî porto,
Se ben che de vegnîghe pâ che tremme:
E, se veggo a ra fin che no ve premme
Che, per voî, scampe ò mœure, a drito e a torto,
Sença fâ ciù viaggio[1], piggiâ porto,
Mette ra barca in sarvo, e levâ remme.
Che per mi no fa ciù stâme a rompî
Ro çervello così de giorno in giorno
In questa freve, sença moǽ scricchî.
Così trarrò, con trâmeve dattorno,
Voî de fastidio, e mi ciù da patî:
Dirò: Laodao sæ Dê! moǽ ciù ghe torno.
- ↑ Son risoluto di pigliar porto, &c.