Çittara zeneize/Rimme çivî/Per fâme oro purgao dra sò foxiña
| ←Con un segno de croxe che me faççe | Çittara zeneize - Rimme çivî de Per fâme oro purgao dra sò foxiña |
Façço re forçe d’Ercole a passâ→ |
| Zena, Franchello, 1745 notte do Prien |
XXV.
Per fâme oro purgao dra sò foxiña
Amô, zà che voî m’hei per oropello,
A fœugo, a sciamma, a corpi de martello
Ro mæ cœu nœutte e dì sempre o l’affiña.
Sempre o ne cava tempera ciù fiña,
Tanto che infin con nobile modello
O ne fa oro pe ro vostro anello:
Lì sempre, Añima cara, o me destiña.
Ma che me zova infin l’esse passao
A ro marco d’Amô per oro bon?
Per oro de ducatto? oro corao?
Se voî, che sei ra pria dro paragon,
A ra tocca de l’oro m’hei scartao,
Comme foisse oro fâso ò de laton?