Çittara zeneize/Rimme çivî/Muza cara, discreta, accostumâ

by Gian Giacomo Cavallo

←Façço re forçe d’Ercole a passâ

Çittara zeneize - Rimme çivî de Gian Giacomo Cavallo Muza cara, discreta, accostumâ

A lettere de scattore ve scrivo→

Zena, Franchello, 1745
notte do Prien

XXVII.

Muza cara, discreta, accostumâ,
Che ogni dì sciù ra Messa dro Batesto ^[1]
Dopo lasciâme Amô sì rotto e pesto,
Ti me vegni a ro letto a confortâ:

Che con veña sì pronta e appareggiâ
Ti me metti in carrera così presto,
Che sempre, ò se reposo ò se me vesto,
Te me sento a l’oreggia cicciorâ:

Muza træ votte cara, ah sarà moǽ,
Che ra nostra Minetta un dì da stenti
Ne tragghe, un dì se mœuve a caritǽ?

Che aggian fin sciù ra fin tanti lamenti?
Che lasce ancora un dì recompensǽ
Minetta ri tœu canti e ri mæ centi?

1. Prima Messa del Duomo all'Altare di S. Giovambatista.