Çittara zeneize/Rimme çivî/Me pâ giusto a ro zœugo de Promera
| ←Quando ro Sô comença a tramontâ | Çittara zeneize - Rimme çivî de Me pâ giusto a ro zœugo de Promera |
Donna, zà che per lagrime e per centi→ |
| Zena, Franchello, 1745 notte do Prien |
XVII.
Me pâ giusto a ro zœugo de Promera
D’avei çinquanteçinque con ra man,
Quando ve veggo a sciorte int’ro mezzan,
Che me fæ graçia de trâ fœu ra cera.
Se foisse Generâ d’uña gran Schera,
O se foisse Ræ’ d’India ò dro Giappan,
No ve crei miga, a fæ’ de Crestian,
Che giubilasse dentro in tâ manera.
Che uña sola oggiaretta, che me dæ,
Me porta dent’ro cœu tanto contento,
Quanto porta a ri Ræ’ re sœu Çittǽ.
Ma se parlâ, se sospirâ ve sento,
Darǽ ri mondi a trei per doî dinǽ,
Se ghe ne foisse çento votte e çento.