Çittara zeneize/Rimme çivî/Finchè dura ra luçça e ro capriçio
| ←Anima mǽ, no me movei ciù guerra | Çittara zeneize - Rimme çivî de Finchè dura ra luçça e ro capriçio |
Minetta, in questo pointo façço invô→ |
| Zena, Franchello, 1745 notte do Prien |
XXXIX.
Finchè dura ra luçça e ro capriçio,
Vœuggio fâ dri Sonetti a tutta posta,
Aora che n’hò bezœugno de seposta,
Per fâ corre ra veña, e ro giudiçio.
Frenetico, e me poæro comm’in viçio,
Se no corro ogni di semme ra posta
Per Parnazo, e no façço in quella costa
Con ro Foggetta un poco d’ezerçiçio.
Me poso à ra fontaña, e refrescao
Che me sento a quell’ægua crestalliña,
Parto tutto de veña infuriao.
Così façço ri versi in pavariña,
E canto, ma con cœu tutto inciagao,
Ri amoî dra mæ Minetta e de Zaniña.