Çittara zeneize/Rimme çivî/Donna (megio dirò, se diggo stria
| ←Dro torto, che reçeivo in questo Mondo | Çittara zeneize - Rimme çivî de Donna (megio dirò, se diggo stria |
Donna, serpente de l’inferno crua→ |
| Zena, Franchello, 1745 |
IV.
DOnna (megio dirò, se diggo stria,
Allevâ tra re añime perdûe)
Tanto intenta a bramâ che me destrue,
Che no reste de mi pria sciù pria:
Perchè un dì questa festa sæ finìa,
Zà che ra mæ desgraçia me condue,
Resoluto de veime ò sciù ò zue,
Vegno a dâ ra mæ vitta per spedìa.
Vegnimmo a meza lamma chì tra noî.
In mill’agni che chiño comme scciavo
Ro collo a tanti amareghi e doroî,
Dri mæ súi che descarrego me dâvo?
Minetta, no sei persa? son mattoî:
Sei persa, comm’è perso ro Diavo.