Çittara zeneize/Rimme çivî/Donna, zà che ton tanto studio e cura

by Gian Giacomo Cavallo

←Donna, zà che per lagrime e per centi

Çittara zeneize - Rimme çivî de Gian Giacomo Cavallo Donna, zà che ton tanto studio e cura

Mæ cœu, seben per voî son dent’re picche→

Zena, Franchello, 1745
notte do Prien

XIX.

Donna, zà che ton tanto studio e cura
Ve mostrǽ così gravia dro mǽ scento,
Per saolâve, a ri pê me v’apprezento,
Ma ciù per bestia che per creatura:

No zà per fâve moǽ cangiâ natura,
Che questo no me cazze in pensamento;
Ma per dâve a ra fin questo contento,
De mette a sacco ra mæsma figura.

Cosìe in manco assǽ d'un quarto d'ora
Ve trarrei da ro cœu questo roziggio,
Con liverâ^[1] de metteme in malora.

L’un l’atro se trarremmo de letiggio:
Voî finirei de ciódeve ra gora;
Mi, de spuççâve da ra larga un miggio.

1. Finire, dall'antico Toscano Liverare. Todaro Conchetta:
   
   Vœuggio fâ un Sonetto per capriçio.
   Guardæ comme so andæto a començâro!
   Con tuttoçò bezœugna liverâro,
   Per no mostrâ d'avei poco giudiçio.