Çittara zeneize/Rimme çivî/Bella vigna, e poc’uga!

by Gian Giacomo Cavallo

←Tâ carne, tâ cottello

Çittara zeneize - Rimme çivî de Gian Giacomo Cavallo Bella vigna, e poc’uga!

Rozâ no impe fossǽ→

Zena, Franchello, 1745
notte do Prien

V.

Bella vigna, e poc’uga!
Diggo a Amô, quando lezo ra pandetta
Dri torti che me fa ra mæ Minetta.
Lê responde: Ti hæ torto:
Ro pê dro Bezagnin no guasta l’orto.
Ma vistome ogni votta ciù ostinao,
Per ciódeme ra gora, o cangia lao,

Con buttâme così quarche reciocchi,^[1]
Che ognun pœu fâ dra sò fariña gnocchi.

1. Minetta, come padrona, può disporre di te a suo talento.