Çittara zeneize/Questo frasca d’Amô, questo piscê
| ←Seben n’han luxe, ò donna, ri œuggi mê | Çittara zeneize - Çernia de quarche rimme de Questo frasca d’Amô, questo piscê |
| Zena, Franchello, 1745 |
Questo frasca d’Amô, questo piscê,
Chi no sa maralæde ancon parlâ,
M’ha piggiao de tâ sorte a consumâ,
Che no posso aora ciù vive per lé.
O tira çerte frecce esto caghê
Da figgiœu, comme o l’è, sença pensâ,
Che o me porreiva un dì foscia amaççâ,
E fâme restâ morto in sciù doî pê.
Ma se un giorno o me capita int’re moen
Questo fraschetta, questo pappacǽ,
Che sì ghe daggo tenti berlendoen,
Che o butterà lì rotti e pestumǽ
E ro carcasso, e l’ærco, che tutti en
Zeveggi, chi me fan stâ sempre in guæ?