Lûnäio zeneize 1932/A chi ha famme, o pan dûo o ghe pâ lasagne

Lûnäio zeneize pe l'Anno bisesto 1932 de Ore Leo
A chi ha famme, o pan dûo o ghe pâ lasagne

A chi ha famme

o pan duo o ghe pâ lasagne

Unn-a gattinn-a gianca, mâ assuefæta,
che a viveiva de læte e bescheuttin,
ûnn-a bella mattin
(chi sà comme a l'è andæta)
a s'è trovâ serrâ in te ûnn-a cantinn-a
e allöa, pôvea migninn-a,
se a l'ha vosciôu^[sic] mangiâ,
a l'ha dovôu^[sic] acciappâ
solo quarche rattin,
e grazie ancon, se a l'ha posciôu^[sic] trovâ.
Quande poi, doppo ûn meise e forse ciù,
a l'è ritornâ sciù
secca... sporca... patïa...
a l'aïva perso tûtta a scìgnorïa,
manco a l'aïva ciù a forsa pe ragnâ...
Bescheutti e læte in casa no ghe n'ëa
e, pe caïtæ, a camëa
vedendola affammâ
a g'ha dæto un piattin de... menestron...
.....
Comme o gh'è parsciûo bon!

A bocca ciù smorfiosa
co-a famme a caccia zù qualunque cösa.



Liquidazion de chì, de sà, de là, no se lëse ätro che « Liquidazion » ma pe spendisèi ben chi vœu accattâ, sensa fäse imbroggiâ, do panno bon o se ne deve andâ, sensa fâ sciäto, da-o Sciô Imer in Via Arcivescovado