 |
Questa pagina a no l'è stæta corretta. | |
Ma se un giorno o me capita intre moen
Questo fraschetta, questo papachié,
Che si ghe dago tenti berlendoen,
Ch'o butterà li rotti, e pestumé
E ro carcasso, e l'erco, qué tutti en
Zeveggi, chi me fan stá sempre in gué.
Quello proverbio dixe ben, per Dé,
Che no se devereiva za mué dí
(Come se vè ben spesso intrevegní):
"Mi de questa egua moé no beveré."
Perch'esto tá l'è sempre ro promé,
Ch'a l'appelleura è solito a corrí;
E che de tira se ne va a ferí,
A dá dentro dra rè presto dri pé.
Così è acheito in mi mesmo troppo ardio;
Perchè in tempo, che chiu me bertezava
De chi d'Amó dixeiva esse ferio;
Lanthó ro me boccon s'apparegiava:
Perchè da un solo sguardo imbalordio
Restei pigiaou, com'un viso de fava.
