 |
Questa pagina a no l'è stæta corretta. | |
Piggiè spesso caniggie per brignioin
Ma questa votta v'asseguro ben
Ch[e] sarei voi ro poere dri menchioin
Se reffué ra vostra mesma roba
Perche quanto un chiù n'ha, tanto chiù arroba
Se bella Mina pù tanto gusté
De veime sempre chianze e sospirá
No sò pensá perche no me aguardé
No fassando atro moé che lagrimá
Ma si dighé, so ben perchè ro fé
Per no v'atenerí dro mé gran má
Che porren ri sospiri e ri mé chienti
Intenerí lioin, lovi e serpentì
Così lantó che pin d'amara duoggia
Vegno per dave dro mé má sorasso
De veime prestamente cangié vuoggia
E me mettei per contra ro chiumasso
Onde da i oggi mé caze tá chiuoggia
Che in terra un lago dro mé chiento fasso
Ro quá ni manco vei per me ventura
O veggandoro ancon vegní chiù dura
