 |
Questa pagina a no l'è stæta corretta. | |
Quando a voi penso, Scarpa, da mé pé,
Che chiù ghe penso fossa che no crei,
Che dro me cuo ra caramia sei
Ch'a voi se voze sempre, e ven derré,
Ro grillo se me drizza e sata in pé
Ro grillo de fá versi ch'intendei
E me conven sborrá l'humo da vei
E inchí dre vostre laude ro papé.
Ben che voi mesma poei scrivando asá
Che dose, e bonna venna havei da scrive
No men dra mé, ch'uzé tanto lodá.
E se l'humó dre nostre venne vive
Meschiemo inseme, fará frutto tá
Che dra Liguria honoreran re rive.
Bella Scarpa de cuo duro, e crudé
Per Dé, che l'è ben steta carrobinna,
E l'è steta per Dé carravanchinna
Che in villa andeta ve ne sei l'atré.*
Ni a Steva vostro havei pù dito: adé.*
A troppo crua, e bella Peretinna
Mi chi v'hò feto dro mé cuo reginna
Donca ingrata, fuzí si vorenté?
