 |
Questa pagina a no l'è stæta corretta. | |
Pip. E intanto mi son chì con sto fangotto.
Manin. Ah! chi l'avesse mai ciù dîto... sciô Pippo me son compromissa per causa so... aoa sciâ me ghe pense... mi nö lascio ciù... sciâ me riabilite, sciâ me rende l'onô.
Pip. Sciâ Manin, sciâ me molle.
Ros. Ah, sciâ l'é giûsto chì, bezêugna che sciâ ghe rimedie voscià.
Pip. Comme, ghe sei voî ascì?
Ros. Sciâ n'ha dîto a mi e a-o Gioannin che quando se maiëmo sciâ ne fä accordâ da-o sciô Manuello, aoa ö sciô Manuello ö no ne vêu sentî parlâ, e ö l'ha mandôu via ö Gioannin.
Pip. E mi cose voeì che ghe fasse?
Ros. Sciâ me pigge voscià.
Pip. Ma in mæ davveì che vêgno scemmo, sciâ me lascian andâ, sciâ me mollan... devo andâ a Zena.
Manin. Mi nö lascio se sciâ no me rende l'onô!
Nic. Mi nö mollo se sciâ no riabilita mæ figgia!
Fal. O a sciâ Manin, o a morte!
Ros. O sciâ n'accorde, o meschin de voscià!
