 |
Questa pagina a no l'è stæta corretta. | |
O COLERA
DE ZENA
IN AGOSTO 1835.
Se doppo tanti poeti che gh'è stæto,
Che han scrito in un zeneise ben serrôu,
E in paragon de lö no vâo un-na d’æto:
Pû con coraggio me son azzardôu
A trattâ un argomento, che m’ha dæto
O gran flagello ch'emmo assæ provôu:
A penna dunque piggio, e vaddo a scrive
Per quelli che han a sorte ancon de vive.
2
Ma primma lè ben giûsto che me vorte
A meistro Apollo re dé nêuve mûze,
Sebben d'ëse di sò mi non ho a sorte,
E o non agge bezeùgno de mæ scûze,
Poi, per finîla, lê d’in çê che o sciorte
Con un bacco, dixendo che confûze
O l’ha trovôu ë rimme che mi ho scrito,
E con tutte ë mæ ciarle ninte ho dito.
3
Avanti mi me fö con gran coraggio,
Stæme a sentî, Zeneixi, ben attenti:
Sentieì che bella voxe, comme sbraggio,
E con tutta a mæ lengua feûa di denti
