früstanniu tütta peççe e sarçitüe, u sciurtì d’in ca’ curindu.
Doppu pocu u turnò: e quand’u turnò u gh’aiva in man l’Abecedaiu po-u figgiö, ma a cazacca u nu ghe l’aiva ciü. U povou ommu u l’ea in manneghe de camixa, e de föa neiava.
— Puæ, e a cazacca?
— L’ho vendüa.
— E perché l’ei vendüa?
— Perché a me fava cadu. —
U Pinocchiu u l’acapì questa risposta o-u xöu, e nu puendu frenâ l’inpetu du so bun cö, u sâtò o-u collu du Geppettu e u cumençò a baxâlu pe tütta a faccia.
![](http://upload.wikimedia.org/wikipedia/commons/thumb/f/f9/Collodi_-_Le_avventure_di_Pinocchio%2C_Bemporad%2C_1892_%28page_38_crop%29.jpg/100px-Collodi_-_Le_avventure_di_Pinocchio%2C_Bemporad%2C_1892_%28page_38_crop%29.jpg)