Apeña u Geppettu u se fü ben acumudòu insce-e spalle du figgiu, u bravu Pinocchiu, següu du fætu sò, u se cacciò ‘nte l’ægua e u cumençò a nüâ.
U mâ u l’ea carmu cumme l’öiu: a lüña a lüxiva in tüttu u sö sprendû e u Pesciu-can u cuntinuava a durmî de ‘n sönnu cuscì prufundu, che nu l’aviæ adesciòu mancu ina canunâ.
![](http://upload.wikimedia.org/wikipedia/commons/thumb/6/61/Collodi_-_Le_avventure_di_Pinocchio%2C_Bemporad%2C_1892_%28page_213_crop_bis%29.jpg/100px-Collodi_-_Le_avventure_di_Pinocchio%2C_Bemporad%2C_1892_%28page_213_crop_bis%29.jpg)