Lûnäio zeneize 1932/Libbri nœuvi
| ←Epigrammi | Lûnäio zeneize pe l'Anno bisesto 1932 de Libbri nœuvi |
Aviëmo presto ûnn-a novitæ: o libbro do professô Marino Merello. « Il dialetto genovese nella storia, nella grammatica e nella letteratura ».
Bezêugna dî che, da-i antighi a-i moderni, gh'è da confûxion: tûtti scrìvan o zeneize a moddo sò.
Ma coscì a sä finïa.
A Grammatica do professô Merello a mette e cöse a posto.
E a fà önô a Zena.
O l'è o titolo de ûn volumetto de versci scrïti dall'amigo Quello de Pëgi ben conosciûo pe i sò sentimenti folcloristici e patriottici (che son poi quelli vëi do nostro popolo) e che o sciortiâ in to meize de arvì proscimo.
Sciccomme o costiâ solo 2 franchi, l'accattian tûtti e lê... o faiâ a segunda edizion. Semmo inteisi!
O l'è o seguito da primma parte pubblicâ in to Lûnäio e l'insemme o dà soggetto a ûn poemetto satirico, che o comença da-a creazion do mondo e o finisce con a Conciliazion co-o Vaticano.
Sciccomme ascì a-a moæ do bagon sò figgio o ghe pâ bello, coscì mi no posso çertamente dïne ben. Chi o leziâ daiâ o sò giudizio.
Che o Segnô o me avvarde.