Poexie zeneixi do Feliçe Santi/Vei e anchêu
| ←A-o sciö Cavenaghi de l’« E.I.A.R. » | Poexie zeneixi de Vei e anchêu... |
O mörto chi parla→ |
Co-e scarpe senza tacchi e mâ vestîa.
De vötte mi l’incontro, in t’o passâ;
A bocca desdentâ chi sarretîa,
E ûnn-aja de magon desconsolâ.
Nisciûn porrieiva credde, in chi l’ammîa,
E teste che a l’ha fæto, a Zena, giâ.
Veddendo quello spëtro chi sospîa,
Diretto verso o fondo d’ûn’ûspiâ.
Donde so’ andæte, dunque, e sö bellesse;
E sö sæe, i sö pissi, i sö diamanti?...
I sö cavelli neigri, a rissi e tresse,
E i baxi ch’a l’ha dæto a tanti amanti?...
Pûre a lè pröpio lê, ch’ö lì davanti,
Quella bambin covèrta de ricchesse!...
Solo che-e pèrle, örmai, no son che pianti,
Solo che i pissi, örmai, son tante pesse!