 |
Questa pagina a no l'è stæta corretta. | |
Il primo sangue versato per l'ultimo
atto del risorgimento italiano è ancora
sangue ligure.
RICCIOTTI GARIBALDI
atto del risorgimento italiano è ancora
sangue ligure.
RICCIOTTI GARIBALDI
GARIBALDI! - nomme ligure,
vanto eterno e orgoglio vivo
da mae taera, - c'ö chêu in lagrime
mi te penso, mi te scrivo;
e scandindo e quattro sillabe
pe güstâne o son divin,
fasso a tì cornixe fûnebre
de çipresso rove e pin. -
BRUNO, bello e forte zoveno!
rammo verde da gran cianta;
ecco, o l'é bruxôu da-o fulmine:
tûtti i morti do settanta
che son là da mëzo secolo
consûmmae, ridûti in pûa,
comme a-o son de notte magiche
sätan sciù da seportûa.
