Quest'ombrinotta ancon viva, e freschissima
Sæ dæta, finche l'è tutta godibile
A nomme de Ballin, se l'è possibile,
In man propria à Maxinna sò carissima.
Caressa à ri suoe meriti scarsissima,
Mà per degni respetti compatibile;
Pessio à re nasse in moeo quæxi incredibile
Capitou per desgratia marcissima.
L'annimo de Maxinna e grande, e nobile
Scuze con ra sò gratia incomparabile
Ro don, per poco, non dro tutto ignobile.
Dæta in ro poverissimo sò stabile:
Ballin verso Maxinna tanto immobile,
Quanto per sò desgratia mizerabile.
Pagina:Cittara.zeneize.1636.pdf/121
![](http://upload.wikimedia.org/wikipedia/commons/thumb/b/ba/Cittara.zeneize.1636.pdf/page121-1024px-Cittara.zeneize.1636.pdf.jpg)