![](http://upload.wikimedia.org/wikipedia/commons/thumb/2/20/A_sc%C5%93ua_e_a_virt%C3%B9_1870_%28page_7_crop%29.jpg/250px-A_sc%C5%93ua_e_a_virt%C3%B9_1870_%28page_7_crop%29.jpg)
Sento o Præve dall’artà
Tanto a seïa che a mattin
Spesso spesso predicâ;
Sento u pöè che spesso u sbraggia
Salùtandome canaggia
Potrunasso e biricchin;
Ma da-o tempo de ciæbelle
Quando pà che u çè co-e stelle
Chin-na a tærra u se ne rïe,
Dopo dîte e litanïe
U pöè o fresco o va a piggiâ
E a derêe ghe veuggio andâ
Tante cose a-e bonn-e alloa
O me dixe e o m’innamöa.
Me ricordo che unn-a seïa
De San Luigi l’ea pe-a veïa,
Guarda figgio, u m’ha insegnoù
O peccoù che è confessoù
O l’è mezo perdunnoù.
Mi son chi per confessâme
S’aviei testa de sentî,
Poi se mai vorriei sbraggiâme
Fêlu pû, ma compatî.
Có mê esempio ve fô vedde,