Ro Chittarrin/Se te sento çillâ, brutto fraschetta

Da Wikivivàgna
Sata a-a navegassion Sata a-a serchia
Ro Chittarrin, o sæ strofoggi dra muza de Steva de Franchi
Se te sento çillâ, brutto fraschetta


[p. 89 modifica]
SONETTO.


Se te sento çillâ, brutto fraschetta.
D'Amô, che ti me stæ sempre d'intorno,
E non gh'è caxo che nœutte ni giorno
Ti me dagghi un repóso d'un'oretta...

Sempre à ra fantaxia ra mæ Minetta
Ti me depenzi con ro sò contorno:
Quello cérin chi pâ fæto à ro torno:
Quelli œuggin belli, e quella graçietta.

E sibben che aora a sæ lontan da mi,
Ti me ra pósi lì sempre prezente,
Comme s'a foîsse giusto bello chì.

A o manco, figgioramme impertinente,
Per fâra intrega, fámmera così:
Ti che ti hæ re are, portameghe arrente.