Ro Chittarrin/Per un bellissimo pappagallo regalao all'aotô da ro M. Capitan Domenego Castellin
Sâta a-a navegaçión
Sâta a-a çèrchia
PER UN BELLISSIMO PAPPAGALLO
| ←Lezzendia dro famozo combattimento seguío ri 17. ottobre 1763. | Ro Chittarrin, o sæ strofoggi dra muza de Per un bellissimo pappagallo regalao all'aotô da ro M. Capitan Domenego Castellin |
Publicandose ro combattimento intaggiao in rammo dro M. Capitan Domenego Castellin→ |
Regalao all'aotô da ro M. Capitan
DOMENEGO CASTELLIN.
Ro Pappagallo che m'avei mandao,
Scio Capitañio, dri ciù belli e fin,
O dixe, Viva viva Castellin
L'Eroe Zeneize; e ne son consolao.
E savei chi a dî questo gh'a insegnao?
Mi, tutti i mæ de caza, e ri vexin;
Chi va, chi ven, ri grendi e ri piccin,
Che ve vórreivan tutti immortalao.
Se campassan ste bestie un mirion d'anni,
Ò pù quanto ro mondo pœu durâ,
Vorræ arvîghe ra porta, e dîghe: Vanni,
Porta sta nœuva chì de là da mâ
Dro bravo Castellin. Ma sonê un xanni!
Zâ[sic] per tutto ro mondo a l'è arrivâ.