Ro Chittarrin/L'arco e ra corda vœuggio un dì bruxâ
| ←Risposta de Steva de Franchi à ro paddre Fabriçio Giano | Ro Chittarrin, o sæ strofoggi dra muza de L'arco e ra corda vœuggio un dì bruxâ |
Oh ri are aora, eh, bella Manin!→ |
L'Arco e ra corda vœuggio un dì bruxâ,
Ri âtri arneixi, ra binda, e re saette
De quell'orbo d'Amô, perchè o me mette
À segno de doveime desperâ.
Se mi re spalle ghe vœuggio voltâ,
Minetta ven, con quattro parolette,
Un pô de boña cera, e dôe graçiette
Semmo da cavo, e cose aggê da fâ?
Ghe veddo Amô treppâ sciù re parpelle,
Sciù ra fronte, sciù ri œuggi, e sciù i labrin,
E sgœurâghe sciù re âtre bagattelle.
E ro mæ cœu subito o fà camin:
Sento un fœugo chi bruxa infin ra pelle,
E chi se pœu guardâ da st'assassin?