Rime diverse in lingua genovese/Zamarre longe, e Penne in ca portemo
| ←Megio assè stammo si spendeimo men | Rime diverse in lingua genovese de Zamarre longe, e Penne in ca portemo |
Ra Toga spende men, dra capa fava→ |
| da-e Rime diverse in lingua genovese, Bartoli, Pavia, 1588 cangiòu e u in v e viçeversa clicca i asterischi pe l'errata corrige |
Zamarre longe[sic], e Penne in ca portemo,
Per repoero dro freiddo noi meschin,
E per zointa acendemo ri camin,
E anchora in ca serrè, pà che zeremo.
5Po quando fuoe de casa se n'andemo,
Donde ra bixa tra seira e mattin,
Paremo petti curti e mattacin,
Perche re robe longe trete s'hemo.
E Gianico ne strigia pe re stre,
10Si che pugneto fa no poemo puoe
Con re membre de freido arenzenie.
Si se pigemo mille marottie,
Perche chiù Toga no portemo ancuoe
Chi al'huomo[sic] poco costa, e zova asse.*